影片
更多
2024-08-10
150 瀏覽
同朋友喺港澳碼頭附近用餐，去咗上環嘅錦麗，呢間越南餐廳真係超值之選，絕對值得一試。餐廳環境寬敞，夠光猛乾淨，坐得幾舒服。🔶錦麗生牛肉粉我哋點咗招牌生牛肉粉，可以揀金邊粉/河粉。河粉滑溜，唔會太淋身，生牛肉大塊而且新鮮，燙得剛剛好，口感嫩滑。湯底鮮甜濃郁，帶出牛肉嘅鮮味，再加上青檸汁九層塔等等香料，令到成個湯底更加清新香濃。🔶火車頭粉如果同我一樣有選擇困難，就可以揀火車頭粉！呢個粉包括穀飼肉眼、牛筋、熟牛肉、牛丸及扎肉，份量非常之足夠，肉質非常嫩滑。湯底一樣係熱辣辣嘅，味道鮮美。🔶鹹檸檬青檸水（熱）🔶 新鮮椰青飲品方面，我哋點咗鹹檸檬青檸水同椰青。鹹檸檬青檸水唔單止解渴，仲有助消化，啲檸檬香氣非常清爽，有一點點鹹味，令整個味道更有層次。新鮮椰青真係一絕，椰水清甜，非常解渴，仲帶有天然嘅椰香。椰肉非常嫩滑，清涼爽口，食完主菜再嚟呢個真係正到爆。🔶特色小食拼盤：特色小食拼盤有金絲網蝦春卷、越式蔗蝦、越式蒜蓉牛油雞翼同香茅豬扒，每一款都係精心製作，炸得外脆內嫩。金絲網蝦春卷香脆，內裡蝦肉鮮甜；越式蔗蝦是將蝦醬包係蔗條上，蝦肉鮮美；蒜蓉牛油雞翼，好惹味；香茅豬扒帶有清香嘅香茅味道。🔶 椰青椰汁糕
🔶錦麗生牛肉粉
我哋點咗招牌生牛肉粉，可以揀金邊粉/河粉。河粉滑溜，唔會太淋身，生牛肉大塊而且新鮮，燙得剛剛好，口感嫩滑。湯底鮮甜濃郁，帶出牛肉嘅鮮味，再加上青檸汁九層塔等等香料，令到成個湯底更加清新香濃。
🔶火車頭粉
如果同我一樣有選擇困難，就可以揀火車頭粉！呢個粉包括穀飼肉眼、牛筋、熟牛肉、牛丸及扎肉，份量非常之足夠，肉質非常嫩滑。湯底一樣係熱辣辣嘅，味道鮮美。
🔶鹹檸檬青檸水（熱）
🔶 新鮮椰青
飲品方面，我哋點咗鹹檸檬青檸水同椰青。鹹檸檬青檸水唔單止解渴，仲有助消化，啲檸檬香氣非常清爽，有一點點鹹味，令整個味道更有層次。
新鮮椰青真係一絕，椰水清甜，非常解渴，仲帶有天然嘅椰香。椰肉非常嫩滑，清涼爽口，食完主菜再嚟呢個真係正到爆。
🔶特色小食拼盤：
特色小食拼盤有金絲網蝦春卷、越式蔗蝦、越式蒜蓉牛油雞翼同香茅豬扒，每一款都係精心製作，炸得外脆內嫩。金絲網蝦春卷香脆，內裡蝦肉鮮甜；越式蔗蝦是將蝦醬包係蔗條上，蝦肉鮮美；蒜蓉牛油雞翼，好惹味；香茅豬扒帶有清香嘅香茅味道。
🔶 椰青椰汁糕
最後當然要試吓佢哋嘅椰青椰汁糕，口感非常結實，食起嚟清爽不膩，內裡夾有椰子肉，提升咗整個口感嘅豐富性，淋上嘅椰汁更增加咗甜味同香氣，完美收尾，非常滿足。
張貼
