越南會館

營業中

休息中

同同事去咗德福食午餐，佢話想食越南嘢，所以就去咗依間越南會館。依家越南會館走總檔路線， $100.1個午餐，不過佢環境舒服，呢個價錢可以接受。我哋一個喺個燒雞飯，一個係豬扒飯。兩個飯味道都相當唔錯，只係覺得有啲鹹同熱氣。不過食越南嘢都預咗係咁㗎啦。佢哋嘅份量都相當之大，我朋友就食唔晒，我就差啲都食唔晒。另外我哋仲嗌咗個小食，蟹都紫米卷。我覺得呢間越南嘢風味都幾正宗，份量大，味道又唔錯。我就嗌咗杯越南咖啡，不過佢一嚟到就已經過濾晒，冇得感受嗰種等佢慢慢滴出嚟嗰種氣氛，呢樣比較可惜。有機會我會再嚟呢間食午餐。