影片
更多
2009-10-10
24 瀏覽
間鋪真係越做越差勁!我是住在上面屋苑的大懶人,又名垃圾堆填區,基本上食物無乜特別我都一一食晒的,但奇興終於改變了我.老實講.早期係OK的.但之後就真係越做越難食,我都比了好多次機會佢,(因我懶行懶念食乜)無論係早,午,下午茶,晚餐.我都食暈晒,真係難食到暈.我真係食唔到.重記得有一晚我父母來探我,到晚上我帶父母出去食晚飯,我己經特登不帶他們到奇興,因己經變得好難食.但我阿爸想食吓,因好早期同佢食過午餐都OK的.點知一去又出事,三個人叫了三碟餸.三碟餸有兩碟,1係黑椒牛仔骨,啲黑椒汁好似糊仔的,見到都唔想食.2西蘭花炒班片.班片一大陣雪味,咬了一口就無再食魚了,只食了些菜.重有經典例湯,己經不是一次,「有色水」無論是下午或任何時候,都係一碗「有色水」.唔跟餐送重好啦‧好心佢哋喇,如果無心做食物的話就不如結業吧了.我真的好希望佢老細可以睇到此批評。重有的是間鋪好污穢的,尤其是中午時間.讚的只有一樣.奶茶.
張貼