聚福樓 (已結業)

朋友心血來潮臨急臨忙話聚餐，周圍都好多人，後來朋友話試過呢一間好食，就即管試吓！去之前完全唔知原來係西餐廳，仲諗住去晚飯小菜添！個名真係幾誤導😂！佢哋嘅餐牌好得意，中文名完全估唔到佢係乜嘢，要睇英文先知！首先叫咗一個頭盤，講真都唔知係乜嘢，到咗先知道原來係一個拼盤，有番薯條、炸蝦、等等。都幾好食架！賣相好吸引，用木托盤，感覺好高級！到主菜啦！我朋友就叫咗個漢堡，好大個，跟蕃薯條＆沙律，朋友話質素好好！同埋香港好少餐廳會問你漢堡幾多成熟，問得你嘅都一定係高質素！以前響香港食漢堡包都唔知道咁樣，有一次去美國食一間好出名嘅grill 餐廳先至知道原來係可以調校漢堡扒生熟程度！我自己就叫咗一個risotto，飯嘅軟硬度啱啱好，最搞笑就係嗰啲雲吞同小籠包係一模一樣！fusion 菜嘅感覺！平時食小籠包會用醋，而家用白汁，原來都可以好好食！真係超好食，好少何食到咁好食嘅意大利飯！可能價錢比較貴，不過計返質素同埋可以坐好耐同朋友吹水，總括嚟講都係抵食！屯門區好少有咁高質素嘅餐廳，睇到侍應都好有誠意，裝修又靚，我一定絕對會再幫襯！利申：唔係做媒，真心食飯當天先至發現呢間餐廳