杯中物

營業中

休息中

今日去左旺角中心行街，行街行到口痕，就去食個下午茶啦！旺中多左好多小食店，我見到有間小食店大排長龍，就去買黎試下啦。餐牌好豐富，小食多到眼花撩亂，我都心大心細唔知食咩好啊。我叫左一杯冰凍飲品，降下溫先。藍色飲品，薄荷味非常高，果味唔算太突出，薄荷入口清涼透心，的確好降溫好滿足。我叫左炸薯條配炸魷魚酥。薯條即叫即炸，金黃香脆唔會好油膩，入口咸香。最欣賞炸魷魚，入口爽口彈牙，唔會太乾太鞋口，外層炸粉又唔厚。