Pizza Piazza (已結業)

今日去完D2Place行市集，去左呢間朋友介紹既burger店，我當然叫左個牛堡過下口癮，一上枱陣陣牛肉香味已經撲過黎，配料入面我覺得最搶味就係火腿，火腿咸香惹味，加埋件特厚既漢堡扒，以及索滿牛油既包，口感非常豐富，這是我最喜歡的！另外菜的比例恰好，令牛漢吃起來香而不膩。此店還有一個特點，就是他們的醬汁，如你選擇左有薯條既餐，他們會把4種醬料放你枱上，當中黑松露醬和法式介辣醬係最吸引！芥辣醬酸酸甜甜。另外同行朋友，叫了一道黑豚扒配蕃薯條，呢道菜亦有一種特別蘋果泥醬，味道清新，外加清新黑醋沙律，黑豚肉亦非常厚實。整餐吃完亦不會太heavy，無罪惡感，哈哈！餐飲方面，朋友選擇左一杯薄荷茶，個人不是太喜好，所以叫焦糖拿鐵咖啡。