Be Leaf (已結業)

見朋友post過呢間位於觀塘敬業街皇延廣場地下“Be Leaf"cafe.一見到啲相心諗就算唔好食都要去打卡，因為環境真係超靚呀🤩再睇埋啲comment都話食物有水準，甘一定要試啦。拱形門入口鋪滿花花，好grand好似去左參加婚禮一樣, 而餐廳外面座位就夠晒chill, 好有度假feel，好正。蜜桃.巴馬火腿.水牛芝士沙律色彩繽紛，原來巴馬火腿唔一定要配哈蜜瓜，配蜜桃一樣係好夾。意式香辣茄茸炒活菲律賓大蜆蜆真係大大隻，有兩件多士，多士掛滿啲甜甜辣辣嘅汁後食，真係堅好味呀～香煎北海道刺身帶子黑蒜黑松露野菌忌廉意大利飯福袋對於唔嗜飯嘅我黎講，呢個構思幾好，飯份量剛剛好。帶子肥厚，煎得恰到好處，唔會過熟。佢啲飲品都好正，呢柸焦糖控必選.自家制焦糖餅咖啡初時仲以為啲焦糖餅係就甘食，原來等佢慢慢溶入咖啡，以為會好甜，但又唔會喎。香煎美國特級豬梅扒配黑蒜醋汁梅扒厚肉，但唔韌好林，好有肉汁，本身好怕醋嘅味道，但呢果黑蒜醋汁，係唔會好濃烈醋味而且甜甜哋，容易接受。真係好鐘意個環境，下次要帶其他朋友試下。