黑木亭居酒屋 (清風街) (已結業)

派咗消費券😍當然要食餐好👍 經過清風街 ，見到黑木亭居酒屋做緊推廣，晚市食滿500蚊減50蚊，食滿800蚊減120蚊，即刻入去食返餐勁。餐廳另外仲做緊本月推介優惠，多款推介菜式有優惠價，好抵食👍🦞龍蝦八仙木桶當配鯛魚湯 優惠價 $448擺得超靚，好似藝術品。木桶好大，材料豐富，有龍蝦同多款角切魚生，底下壽司飯可以配鯛魚湯食，變身茶漬飯。😋🥰日本產a5和牛海膽他他 優惠價$168 脆片上面有和牛粒粒同海膽，感覺高級矜貴，食落非常滋味。🦀蟹甲羅燒 $98蟹殼入面有蟹肉，蟹膏同蟹子，配香脆多士非常美味。❤️炸豆腐櫻花蝦$68豆腐香脆，櫻花蝦惹味。❤️忌廉球炸薯條$68第一次食炸薯條配忌廉，忌廉幼滑香甜，味道又幾夾。