C DESSERT

營業中

休息中

成日見到人介紹呢間甜品好好食，一直都以為佢係比較遊客會去，以為價錢好貴，估唔到原來價錢好平，咁就一於嚟試吓啦。一去到真係好多人排隊，但係佢入面都幾大，而且客人都好快走，所以等咗10分鐘到就入得啦。一入到去就見到一張好靚嘅壁畫，好多人都喺嗰度影相打卡。我就叫咗個杏仁燉蛋白，雖然而家夏天好熱，但係佢食落都唔會太熱，因為呢度嘅冷氣都好充足。佢嘅杏仁味好足夠，襯埋蛋白真係好夾，蛋白好滑，非常推介。另外我仲叫咗個芒果仙草凍，夏天食呢個簡直一流。我見到好多人都有叫，佢嘅芒果份量好多，感覺有成半個芒果，而且仙草好滑，食落唔會太甜，入面仲有少少爆珠，口感同味道都一流。