峇里堂

早排同朋友試咗呢間喺尖沙咀超過40年歷史嘅樓上印尼餐廳🍴餐廳環境寬敞明亮，有多款正宗特色嘅印尼菜式，而且價錢合理，幾值得一試😋🐮招牌巴東牛肉飯 ($73 lunch set) 牛肉軟腍，醬汁好香椰奶味，甜甜地而且辣度偏低，好適合送飯🍚🐷印尼惹味炒沙爹豬肉配米餅 ($102) 都係餐廳招牌菜之一，炒過嘅豬肉絲同洋蔥幾香口，而且裹上沙爹醬好惹味，配埋酥脆嘅米餅食更夾🤤🍞雙色咖央多士 ($42) 賣相幾吸睛，外脆內軟嘅多士夾住咖央斑斕醬同牛油呢個組合冇得輸🤤 我自己一個食曬4件應該都冇難度🤣🍧峇里堂街頭珍多冰冰 ($62) 椰汁冰配上椰子雪糕、珍多粉條、紅豆同大樹菠蘿，超級足料，食完即刻透心涼🆒🎋峇里・竹林 ($54) 係梳打水加入斑斕、伯爵茶、香茅、青檸，飲落先係香茅嘅香氣，後韻係伯爵茶茶香，非常清新！🫖印尼樽仔花茶 ($28) 用玻璃樽裝住好得意，飲落係帶微甜嘅花茶，幾不錯😋