影片
更多
2022-07-09
34 瀏覽
日式飯糰周街都有得食，相比下，台式飯糰就比較少見，近期「阿杏飯團」越開越多分店，成日都係網到見到有人post 相，賣相好吸引，攪到我都想試下。今日下午約左朋友係旺角食下午茶，回家途中經過「阿杏飯團」，就一於買返屋企做晚餐啦。小店主打外賣，但入面都有幾個座位，不過疫情關係只能坐係度等候外賣。店舖佈置都算有心思，有棵櫻花樹之餘仲有張搖搖椅，攪到我都忍唔住打下咭。手作飯團有多款口味選擇，仲可以加配台式飲品。飯團即叫即製， 雖然要等候5－10分鐘，但保證新鮮，全部獨立包裝，食起上黎方便又衛生。飯團嘅飯選用左標榜健康，既補血又可抗氧化嘅紫糯米，帶點煙韌口感，飯團亦包得好實， 食嘅時候唔會咁容易散開，攞上手仲好有份量添。飯團款式方面我地揀左新宿燒汁牛扒飯團同芙蓉鹹蛋飯團。新宿燒汁牛扒飯團:一打開就見到飽滿嘅餡料，三大塊厚厚嘅牛扒被紫米包到實一實，牛扒吸取左燒汁嘅香甜味，肉質好嫩滑，配合埋肉鬆、生菜、菜脯、油條同沙律醬，夾住食底下，除左大大減低左牛扒本身嘅油膩感，仲好有層次感，非常豐富，食落相當滋味。芙蓉鹹蛋飯團：呢個真係非常推薦呀！ 主角係一隻呈金黃色嘅鹹蛋黃，絕對係芙蓉同鹹蛋愛好者非試不可。 飯
今日下午約左朋友係旺角食下午茶，回家途中經過「阿杏飯團」，就一於買返屋企做晚餐啦。
小店主打外賣，但入面都有幾個座位，不過疫情關係只能坐係度等候外賣。
店舖佈置都算有心思，有棵櫻花樹之餘仲有張搖搖椅，攪到我都忍唔住打下咭。
手作飯團有多款口味選擇，仲可以加配台式飲品。
飯團即叫即製， 雖然要等候5－10分鐘，但保證新鮮，全部獨立包裝，食起上黎方便又衛生。
飯團嘅飯選用左標榜健康，既補血又可抗氧化嘅紫糯米，帶點煙韌口感，飯團亦包得好實， 食嘅時候唔會咁容易散開，攞上手仲好有份量添。
飯團款式方面我地揀左新宿燒汁牛扒飯團同芙蓉鹹蛋飯團。
新宿燒汁牛扒飯團:
一打開就見到飽滿嘅餡料，三大塊厚厚嘅牛扒被紫米包到實一實，牛扒吸取左燒汁嘅香甜味，肉質好嫩滑，配合埋肉鬆、生菜、菜脯、油條同沙律醬，夾住食底下，除左大大減低左牛扒本身嘅油膩感，仲好有層次感，非常豐富，食落相當滋味。
芙蓉鹹蛋飯團：
呢個真係非常推薦呀！ 主角係一隻呈金黃色嘅鹹蛋黃，絕對係芙蓉同鹹蛋愛好者非試不可。
飯團內有大大隻鹹蛋，配埋肉鬆、菜脯、生菜，油條同沙律醬，芙蓉鹹蛋聞落勁香，份量都幾多，即使外賣拎到返屋企都依然保持到流沙嘅感覺，味道亦較新宿燒汁牛扒清淡，完全無膩嘅感覺，真係一絕。最值得一讚嘅係即使食到底最尾都依然有好多配料，唔會只係得返d飯。
椰果四季春：
輕輕嘅茶香味中加入左椰果，夏日炎炎下飲，好清爽，可以消暑。
燕麥奶茶：
燕麥奶茶內嘅燕麥有好多，令奶茶飲落有少許口感，除此之外，茶底亦好香濃，飲落好香滑，值得一讚。
張貼
