繼

營業中

休息中

生日食餐好嘅慶祝下😍Mastercard卡有88折，抵啲廚師發辦 二人前晚餐，前菜三款、茶碗蒸、刺身8款、季節蟹、壽司6款、卷物、釜飯、湯品、甜品，真係超豐富，食完好飽，大滿足！⚇前菜三款花螺、魚乾、南瓜，花螺肉好大粒，彈牙入味！⚇茶碗蒸好足料，滑嘟嘟，仲有隻大蝦，暖下胃先～⚇刺身8款每一款刺身嘅賣相都好靚，食材新鮮、美味，最愛白子、鮑魚、拖羅😍中拖，魚油甘香、魚味濃郁！大拖炙燒後，好香，油脂勁豐富，入口即溶😋⚇季節蟹香箱蟹🦀蟹肉、蟹膏、蟹籽一齊食，口感豐富，又鮮甜！⚇壽司6款最吸引一定係海膽壽司😍紫菜包住3款海膽，味道層次豐富，鮮甜、濃郁、Creamy，勁滿足呀😋另外，車海老壽司係用新鮮的九節蝦灼熱後製成，鮮甜、彈牙，好味！⚇卷物Toro卷，加咗芝麻更加香，味道唔錯，好飽肚⚇釜飯黑松露松葉蟹釜飯，一打開蓋就聞到超級香黑松露味，啲飯煙煙韌韌，幾好食！⚇湯品雞白雞，濃郁、暖胃～⚇甜品可以揀雪糕或者生果。靜岡蜜瓜，滑嫩多汁，香甜！香印提子，爽脆有香味，甜度都足夠！