阿爺八鮮鍋 (已結業)

又想食刺身，又想同一時間食雞煲同火鍋🍲？咁多要求🤯，真係未必有好多地方可以滿足到你🥺。不過阿爺八鮮鍋仲出奇過出奇蛋，同時間滿足👧🏻4個願望！除咗刺身、雞煲、火鍋，仲有得食極過質海鮮🦞！滿足感MAX!!!!!!另外值得一提店員服務欣勤，收碟速度又快👍🏻。🌟日本時令刺身拼盤刺身拼盤總共有5款刺身，以貝殼類🐚居多。除咗有油甘魚刺身，仲有象拔蚌、醬漬鮑魚、帶子等食物。多款刺身當中象拔蚌令人印象最深刻，薄切象拔蚌夠曬爽甜，份量亦頗多。🌟麻辣雞煲雞煲係正常二人份量，最低辣度係小辣，不過屬容易入口，眼見嘅辣椒份量亦不多🌶️，有唔少芫茜，惹味得嚟偏甜少少，又唔會太重花椒八角果啲香料味。雞肉質感嫩滑極多肉(雞脾雞胸都有齊，唔似有啲餐廳斬頭斬尾冇肉食😿)。🌟火鍋每日都有唔同火鍋湯底，仲可以揀鴛鴦湯底，今次就揀咗冬瓜+番茄🍅兩款湯底！至少配料選擇不少，連鮑魚、海蝦、花甲等唔同海鮮都可以瘋狂叫😍！不過要留意返每次落單最多只可落6款～當中比較深刻嘅食物包括：1️⃣手切安格斯牛肉🐮: 牛肉起雙飛又有一定厚度，極濃牛肉味又夠滑嫩2️⃣手打黑松露墨魚滑🦑/手打蟹子蝦滑🦐：黑松露味不霸道，兩款海鮮滑都極彈牙，又食唔到肥豬肉粒👍🏻