影片
更多
2025-04-10
43 瀏覽
2025年3月27日 星期四呢日係尖沙咀收工，行過金鑾大廈竟然見到Tony Wong嘅餅店喺度新開張，眾所周知佢出品嘅餅一向鬆脆好食，性價比非常高，咁啱俾我見到就當然入去幫襯啦喺門口嘅大玻璃已經見到有各色各樣既禮盒擺放住，有曲奇同蝴蝶酥等等，全部都好精緻，賣相又靚店舖入面嘅層架同樣擺放住形形式式嘅甜點，唔會擺到密密麻麻，令人覺得好侷促，每款食物都附上價錢同講解，店員仲會細心介紹每款食物添店舖仲有一個凍櫃，放滿咗五顏六色嘅蛋糕，每款都好吸引，好啱用嚟打卡，最後我揀咗其中一款同一個曲奇禮盒買返去同屋企人分享呢一個就係我選擇嘅蛋糕，係新口味嘅Tiramisu，賣相係一個咖啡杯上面有隻貓，整得好靚，隻貓其實係mousse嚟，同裏面嘅Tiramisu一齊食幾夾，唔算太甜，有淡淡嘅酒味，但唔會好濃郁，唔鍾意飲酒嘅人士都應該啱食，外皮嘅朱古力都好脆口，完全唔覺得苦，底層仲有手指餅添至於個曲奇禮盒絕對係一個大驚喜！！因為擺滿咗好多唔同種類嘅曲奇，成個盒係滿晒既，打卡之餘，同屋企人分享一齊食就岩晒！！首先睇下側邊既食物，分別有蝴蝶酥同鳳梨曲奇，至於一粒粒既就係朱古力脆脆，蝴蝶酥非常香脆，上面仲灑上咗黑白
呢日係尖沙咀收工，行過金鑾大廈竟然見到Tony Wong嘅餅店喺度新開張，眾所周知佢出品嘅餅一向鬆脆好食，性價比非常高，咁啱俾我見到就當然入去幫襯啦
喺門口嘅大玻璃已經見到有各色各樣既禮盒擺放住，有曲奇同蝴蝶酥等等，全部都好精緻，賣相又靚
店舖入面嘅層架同樣擺放住形形式式嘅甜點，唔會擺到密密麻麻，令人覺得好侷促，每款食物都附上價錢同講解，店員仲會細心介紹每款食物添
店舖仲有一個凍櫃，放滿咗五顏六色嘅蛋糕，每款都好吸引，好啱用嚟打卡，最後我揀咗其中一款同一個曲奇禮盒買返去同屋企人分享
呢一個就係我選擇嘅蛋糕，係新口味嘅Tiramisu，賣相係一個咖啡杯上面有隻貓，整得好靚，隻貓其實係mousse嚟，同裏面嘅Tiramisu一齊食幾夾，唔算太甜，有淡淡嘅酒味，但唔會好濃郁，唔鍾意飲酒嘅人士都應該啱食，外皮嘅朱古力都好脆口，完全唔覺得苦，底層仲有手指餅添
至於個曲奇禮盒絕對係一個大驚喜！！因為擺滿咗好多唔同種類嘅曲奇，成個盒係滿晒既，打卡之餘，同屋企人分享一齊食就岩晒！！
首先睇下側邊既食物，分別有蝴蝶酥同鳳梨曲奇，至於一粒粒既就係朱古力脆脆，蝴蝶酥非常香脆，上面仲灑上咗黑白芝麻，食落去更加香口，鳳梨曲奇就每一啖都食到鳳梨嘅香味，朱古力脆脆食落去唔算太膩，每粒牛落去脆卜卜，不知不覺就食咗好多
另一邊分別有熊貓型曲奇、朱古力曲奇同脆餅，最吸睛嘅就係中間寫住千足金既食物，原來係鳳梨酥，裏面好多餡料，食落去十分滿足
張貼
