影片
更多
2009-07-16
40 瀏覽
本人係超群既fans，覺得佢地既麵包係全中環最好食，所以支持左E間麵包鋪兩年，每天返工前一定買一個麵包作早餐之用。其實之前己經有同事同我講覺得佢地既麵包雖然好食，但係D麵包出爐後，放入有蓋麵包櫃前，會放在架上等吹乾(此吹乾架係冇野掩蓋住D麵包，由得D麵包自然吹乾及攤凍)，會有好多塵吹落D麵包度(因為果度係干諾道中，有好多車經過，又食風，就算响店鋪內都好大風)有時甚致有污蠅"嬲"過D麵包，但係我都繼續支持。但係今日响店內發生既事實在令我太心痛&憤怒，一定要上黎反映一下..事發時間係2009年7月16日大約上午10:10，本人一到達麵包店立即尋找my favorite-意大利香草軟包。見"有蓋麵包櫃"裡沒有，立即離遠看看新鮮出爐、放在吹乾架上的麵包有冇my favorite。正當我找尋到，又歡天喜地想行前攞既時候，有一個超群姐仔晌度掃地，仲越掃越入，張D灰塵+頭髮+垃圾掃到去個吹乾架前面。果度咁鬼大風，我好肯定地下D灰塵會吹上個吹乾架最底層既麵包度(最底層既麵包，同D垃圾只有30cm既距離)。有見及此，我立即改變主意，揀左有蓋麵包櫃裡既甘筍包。當我付款時，我細細聲同個收銀亞嬸有以下對話(佢
本人係超群既fans，覺得佢地既麵包係全中環最好食，所以支持左E間麵包鋪兩年，每天返工前一定買一個麵包作早餐之用。
其實之前己經有同事同我講覺得佢地既麵包雖然好食，但係D麵包出爐後，放入有蓋麵包櫃前，會放在架上等吹乾(此吹乾架係冇野掩蓋住D麵包，由得D麵包自然吹乾及攤凍)，會有好多塵吹落D麵包度(因為果度係干諾道中，有好多車經過，又食風，就算响店鋪內都好大風)有時甚致有污蠅"嬲"過D麵包，但係我都繼續支持。但係今日响店內發生既事實在令我太心痛&憤怒，一定要上黎反映一下..
事發時間係2009年7月16日大約上午10:10，本人一到達麵包店立即尋找my favorite-意大利香草軟包。見"有蓋麵包櫃"裡沒有，立即離遠看看新鮮出爐、放在吹乾架上的麵包有冇my favorite。正當我找尋到，又歡天喜地想行前攞既時候，有一個超群姐仔晌度掃地，仲越掃越入，張D灰塵+頭髮+垃圾掃到去個吹乾架前面。果度咁鬼大風，我好肯定地下D灰塵會吹上個吹乾架最底層既麵包度(最底層既麵包，同D垃圾只有30cm既距離)。有見及此，我立即改變主意，揀左有蓋麵包櫃裡既甘筍包。當我付款時，我細細聲同個收銀亞嬸有以下對話(佢係曲短髮，少少肥，冇戴眼鏡，皮膚少許黑，木無表情)
我(指住個掃地亞姐): 果個亞姐掃晒D灰塵同垃圾落D麵包度喎。
收銀亞嬸(望下個掃地亞姐一眼): .......................(唔出聲，繼續木無表情)
我心諗唔知佢係唔識反應定係覺得我係多餘。
我: 我本來想買果D麵包，宜家唔敢買啦。
收銀亞嬸: .......................(唔出聲，繼續木無表情)
嘩!!氣頂到我丫!!!我話晒都好聲好氣兼細細聲同你反映。你一D反應都冇，仲要黑面。我唔係要求你同我道歉或者立即走去鬧爆個掃地亞姐，但你最少都應該講聲"多謝你既意見,我地立即處埋。" 而唔係唔出聲，由得個亞姐掃晒D垃圾落D麵包度，繼而仲要黑面對住個客囉。
其次係個掃地亞姐真係冇帶個腦返工，點會晌D客面前大無施樣掃地?(其實有好多次超群D亞姐晌繁忙時間掃地，明明有客人晌D櫃前揀麵包，佢都照晌D櫃前掃(夾在客人與麵包櫃之間掃)，掃到客人隻腳或掃到D垃圾去個客人度。) 乜E D下欄工作唔係等鋪頭少D客人先做架咩?佢唔知道佢咁樣阻住D客人揀野同埋掃到客人隻腳，係好冇禮貌咩?再者,就算要掃地,都冇理由用掃把啦!!!點解唔用下個腦,搵地拖拖走D灰塵呢?咁D灰塵同頭髮咪唔會飛落D麵包度囉...點解仲用掃把漾起D灰塵+頭髮????
我覺得超群D職員真係好有問題,根本晌度幫個老細趕客。佢地不論待客態度同埋衛生意識都要再培訓先得囉!!!
各位...如果你地唔想食壞自己個肚,真係要諗清楚幫唔幫襯佢..E間鋪頭D衛生好差。就算D麵包有幾好食，我都唔再幫襯佢囉。
張貼