韓珍 (帝國中心) (已結業)

期待咗好耐嘅醬油蟹！朋友話好難book但最後佢都book到～ 所以我哋就一齊去食醬油蟹啦❤️醬油蟹真係超好味！第一次食！好似食緊海膽加刺身嘅感覺～好得意! 口感非常特別同埋美味！佢仲配埋紫菜飯一齊食，超級美味呀！個紫菜飯好香，加埋醬油蟹配搭得好好！餐廳係叫餐之前就會想好多小菜～好似泡菜，芽菜，青瓜，腸仔等，仲送埋雞蛋～我哋仲叫咗海鮮套餐自己燒～ 個海鮮套餐有扇貝，魷魚，花蜆，鮑魚，青口，虎蝦超級豐富嘅海鮮套餐！個魷魚真係超大隻！燒到好香！扇貝都超新鮮！我哋仲叫咗泡菜煎餅，泡菜煎餅好香口美味，加埋特別嘅泡菜煎餅汁一齊食真係好開胃！如果想要好多泡菜一個口嘅話我都建議連埋小食嘅泡菜一齊！雙重嘅泡菜口感！正！