影片
更多
2023-08-24
166 瀏覽
不嬲都話堅尼地城收埋好多令人驚喜嘅小店，知道我呢個港女男朋友鍾意食日本嘢，今日帶佢嚟捐窿捐隙食好西。呢間居酒屋一入到嚟勁好feel ，成間舖都用唔同嘅酒嘅招紙同埋日式poster癡滿晒，仲喺吧枱前面擺咗個公仔櫃添。佢呢度happy hour做緊優惠，四個串燒再加一個酒精類飲品都係$148，唔想食太飽都可以嚟呢度當晚餐同朋友傾吓偈。我哋叫咗啲小食同埋串燒，試咗個海葡萄沙律，我自己本身對海葡萄嘅印象麻麻，因為覺得佢好腥。但係呢度嘅海葡萄處理得幾好，冇乜腥味，食落仲好爽添。然後就叫咗個日式冷豆腐，佢個豆腐好滑，做冷盤都幾好㗎。另外我哋仲叫咗個蒜片牛舌，呢個牛舌就真係不得了。職員介紹嘅時候話呢個牛舌係用咗兩至三個鐘去炆林，然後再用炸蒜片嚟炒。啲牛舌仲要係厚切添㗎，但係一啲都唔會硬，但係又唔會淋到完全好似冇牙都食得咁，保留左一定嘅爽脆口感。日式餃子就食得多啦，呢度有一個特別嘅餃子叫做雞皮餃子。顧名思義就係用雞皮去做餃皮，包住啲餃子餡。出邊嘅雞皮炸到脆卜卜，再點埋佢哋特製嘅柚子醋辣椒油，真係幾好食㗎喎。除咗啲普通嘅串燒之外，呢度有好多自家製嘅特色串燒。例如呢一個掌中寶同埋雞腳筋。其實就係鳳爪個手掌
呢間居酒屋一入到嚟勁好feel ，成間舖都用唔同嘅酒嘅招紙同埋日式poster癡滿晒，仲喺吧枱前面擺咗個公仔櫃添。佢呢度happy hour做緊優惠，四個串燒再加一個酒精類飲品都係$148，唔想食太飽都可以嚟呢度當晚餐同朋友傾吓偈。
我哋叫咗啲小食同埋串燒，試咗個海葡萄沙律，我自己本身對海葡萄嘅印象麻麻，因為覺得佢好腥。但係呢度嘅海葡萄處理得幾好，冇乜腥味，食落仲好爽添。
然後就叫咗個日式冷豆腐，佢個豆腐好滑，做冷盤都幾好㗎。
另外我哋仲叫咗個蒜片牛舌，呢個牛舌就真係不得了。職員介紹嘅時候話呢個牛舌係用咗兩至三個鐘去炆林，然後再用炸蒜片嚟炒。
啲牛舌仲要係厚切添㗎，但係一啲都唔會硬，但係又唔會淋到完全好似冇牙都食得咁，保留左一定嘅爽脆口感。
日式餃子就食得多啦，呢度有一個特別嘅餃子叫做雞皮餃子。顧名思義就係用雞皮去做餃皮，包住啲餃子餡。出邊嘅雞皮炸到脆卜卜，再點埋佢哋特製嘅柚子醋辣椒油，真係幾好食㗎喎。
除咗啲普通嘅串燒之外，呢度有好多自家製嘅特色串燒。例如呢一個掌中寶同埋雞腳筋。其實就係鳳爪個手掌位，同埋鳳爪骨嘅筋位，呢啲位置都係比較爽脆嘅，攞嚟燒都係第一次見，又真係幾惹味架，送啤酒一流。
另外仲有一樣，我覺得好特別嘅係雞軟骨，平時大家都食得多，見親都係圓轆轆一粒一粒，但係呢度用嘅係雞胸軟骨，更加爽脆。
然後我哋仲叫咗個雞肝，平時出邊食到嘅雞肝都係好細串，但係呢度嘅雞肝真係好大舊，又唔會燒得太熟，啱啱好粉粉地咁，比得上鵝肝㗎。
另外我哋仲叫咗個牛肋肉，佢個牛肋肉落咗黑椒去燒，好香，亦都好濃牛肉味，燒到啱啱好唔會太韌。
日式串燒，點可以少得燒白鱔？所以我哋都嗌咗一串，雖然係有啲貴，但係真係好好食。佢燒到個皮脆卜卜，但係個魚肉又唔會太老或者太乾，熱辣辣食真係好好味。
另一樣，我覺得幾特別嘅係墨汁燒腸，唔好睇佢黑媽媽咁肉酸，但係呢條腸真係好爽脆，食落去甜甜地，幾好味。
張貼
