八幡平石燒牛扒專門店 (東匯坊)

營業中

休息中

值得推介，唔需要食貴嗰啲🥩就算係最平嘅嗰隻牛扒，只需要$85 ，已經有好好嘅肉質，份量又夠大，煮出嚟熱辣辣香噴噴，非常吸引🤩另外，佢哋嘅沙律，牛腩湯，白飯，全部都係任食。個人好欣賞佢哋嘅牛腩湯，每一次我都會飲三大碗，湯濃，啲蘿蔔同埋牛腩都煲到好腍好入味。本身我就好少食白飯，但去親依度我都會食，因為啲牛扒連埋啲汁，再連埋啲飯食，係十分香口，會令到我好唔小心食晒成碗白飯。另外都要讚賞吓佢哋用嘅調味品，全部都係優質，仲可有飯素加落啲白飯度，所以真係十分之性價比高，你一定會返轉頭再食。