米籽 (新屯門商場)

營業中

休息中

爸媽兩老第一次去間餐廳時，見人人落原單都有張單放枱面，走時會拎張單去比錢，但佢兩個無張單怕一陣比錢會亂，就順口問下，有個年輕侍應大聲回答「一陣比錢咪有囉，使唔使咁緊張呀！」有無搞錯呀，問下都要比你鬧。第一次食物還好，不過不失。第二次去仲離譜，兩老試左用電話落單，但見唔到佢地想食嗰個套餐(可能唔太識用電話啦)，所以請人來落單，侍應話一陣過來落。等左10幾分鐘，個侍應已經忙完手上工作，都唔來落單。我媽再請佢幫手落單，佢又大大聲咁講「依度自己落單架！」今次爸媽無再忍喇，立即離開。唔會再去依間餐廳！真係好離譜，唔係要5星級服務，只係要求正常有禮大家互相尊重。好多老人家都唔識用電話落單，唔一定係佢地唔肯學，而係唔一定一學就識，爸媽去過好多餐廳，無試過會有侍應唔幫長者人手落單。而一間餐廳有啲咁無禮嘅員工，一定係關個老闆或者經理事，咩人就請返咩人。唔會再幫襯。