稻埕飯店 (V Point) (已結業)

今日同媽媽慶祝生日，因為媽媽早排好鐘意睇《華燈初上》，就為佢揀左呢間超精緻嘅台式餐廳。一入到去就見到好多打卡點，裝修得勁靚，係高級得黎又好神秘嘅感覺，我同媽媽都忍唔住未食野先打卡🤣除左環境靚之外，食物更加係無可挑剔😋由前菜到湯品，主菜到飲品，每樣野都充滿驚喜，回味無窮，連嘴刁嘅爸爸都讚不絕口😋首先係前菜，話梅小山藥，山藥非常清甜爽脆，配合話梅酸酸甜甜咁，好開胃！仲有白滷水九孔鮑魚，一上到枱已經超香，鮑魚新鮮爽口，配合埋好入味嘅煙靭年糕，簡直係Perfect match！再叫左一個蟹肉蛋白泡泡脆米金湯，有好豐富嘅口感，軟軟嘅蛋白泡泡加上脆卜卜嘅脆米，加上有絲絲蟹肉嘅濃湯，令人一試難忘☺️☺️呢道係鹽酥波士頓龍蝦脆角豆金瓜同黑松露鮮百合花，前者炸得金黃鬆脆，有少少避風塘嘅感覺，側邊仲有d炸南瓜同秋葵，好惹味～後者有超濃郁嘅黑松露味，我都未試過就咁食鮮百合花，個口感又幾得意喎，有少少似食緊好香嘅薯蓉咁。最後食埋個鐵板香煎一口鵝肝牛小排同八斗子炒飯，非常滿足😋鵝肝牛小排唔使講，簡直係我嘅最愛，呢個配搭真係冇得輸！另外炒飯係超足料，基本上食料多過食飯，兩老食得超級開心😋😋😋餐廳無論環境、食物、飲品、