蘇媽.蘇媽馬來西亞茶餐室 (已結業)

蘇媽蘇媽係唔少地方都有分店，一直都有好多捧場客，難得今日唔使排隊，所以我同朋友二話不說就揀咗呢間餐廳做晚餐。肉骨茶🍲肉骨茶有好多款部位可以揀，我就試咗豬腳彎，貪佢係膝頭既位置，特別多膠質，補充骨膠原。肉骨茶湯底用當歸、川芎燉藥材煲成，所以非常補身，仲可以任添飲！高佬麵配雞扒🍝高佬面識落有啲似平時食開嘅右面，但鹼水味冇咁重，亦都有咬口，調味濃，配埋參巴辣醬好惹味。雞扒超大塊，啖啖肉！椰香咖央多士🥪食星馬菜又點可以唔食咖央多士呢，多士泡得好香脆，加埋秘製咖央醬，完全唔似現成香精味道，超正！椰汁班蘭冰🧉超鍾意斑蘭嘅飲品，香得來又清新，加埋濃郁嘅椰汁同有咬口嘅西米，就好似飲緊珍多冰咁。似水榴槤🥛呢杯飲品係由榴槤蓉同甘蔗調製而成，榴槤味道非常香濃，同甘蔗嘅味道都幾夾，鍾意榴槤嘅朋友千祈唔可以錯過！