影片
更多
2023-10-18
1118 瀏覽
上次去完高街綠色小bistró食飯，留意到呢間炸雞店好似好有氣氛咁，即刻心思思要嚟試下佢🤭朋友仔唔好芝士所以我哋叫咗泡菜煎餅🌶️估唔到又幾有驚喜。無咗芝士反而啲泡菜味道更出。泡菜嘅微酸再加上葱香，好開胃~而且口感外脆内軟，好食~Padak 파닭 即係韓式炸雞配蔥係呢度嘅signature 菜式，果然係招牌菜好出色。無骨多汁現點現炸嘅雞肉🍗外層嘅脆皮唔太厚而且真係超脆，配合佢哋自家紅色辣醬仲有大量嘅蔥絲。加埋仲有炒年糕同埋炸餃子，無輪係味道同口感都勁豐富！（我哋叫咗細份已經份量十足，好抵食！）食韓國嘢，係必須配酒嘅 🍸（恐龍世界之奇怪暴論）先嚟一 round cocktail，我哋分別要咗兩款，Yuzuade Soju Daiquiri 輕爽 refresh 嘅沙冰質地，飲到好香甜嘅柚子味同蜂蜜味，清新又甜美嘅組合~Soju-kult，由soju 加益力多同埋 cider， Soju 味道乾淨清爽混合埋益力多甜甜酸酸嘅味道好夾~飲落完全唔似飲緊酒！Even 唔係飲開酒嘅都一定可以接受~自我感覺健康！飲到咁上下 ((Behind the scene 仲有真露 fresh 同埋 Goose
朋友仔唔好芝士所以我哋叫咗泡菜煎餅🌶️估唔到又幾有驚喜。無咗芝士反而啲泡菜味道更出。泡菜嘅微酸再加上葱香，好開胃~而且口感外脆内軟，好食~
Padak 파닭 即係韓式炸雞配蔥係呢度嘅signature 菜式，果然係招牌菜好出色。無骨多汁現點現炸嘅雞肉🍗
外層嘅脆皮唔太厚而且真係超脆，配合佢哋自家紅色辣醬仲有大量嘅蔥絲。加埋仲有炒年糕同埋炸餃子，無輪係味道同口感都勁豐富！
（我哋叫咗細份已經份量十足，好抵食！）食韓國嘢，係必須配酒嘅 🍸（恐龍世界之奇怪暴論）先嚟一 round cocktail，我哋分別要咗兩款，Yuzuade Soju Daiquiri 輕爽 refresh 嘅沙冰質地，飲到好香甜嘅柚子味同蜂蜜味，清新又甜美嘅組合~
Soju-kult，由soju 加益力多同埋 cider， Soju 味道乾淨清爽混合埋益力多甜甜酸酸嘅味道好夾~飲落完全唔似飲緊酒！Even 唔係飲開酒嘅都一定可以接受~自我感覺健康！
飲到咁上下 ((Behind the scene 仲有真露 fresh 同埋 Goose Island IPA draft ... 自制 soju bomb 🍻 lol))，追加咗個暖胃嘅魚板湯。呢款係一眾韓國菜入面相對比較淡口🍲
彈牙嘅魚板配合帶蔬菜清甜嘅湯底，加入咗粟米同菇令口感更加豐富~即刻個人醒神曬~
張貼
