阿爺八鮮鍋 (已結業)

平時自己買海鮮黎整都唔平，洗洗刷刷又麻煩，出街食就最方便。今日揀左呢間阿爺八鮮鍋，多款活海鮮同火鍋配料任食150分鐘，都係四百零蚊，仲有刺身、雞煲、燉湯同甜品送。😍😍餐廳座位寛敞，裝修又企理時尚。雞煲幾款揀，原味/麻辣/芝士，雖然我地揀既係芝士口味，但又唔會漏，好香仲有拉絲效果。先上燉湯歎下先，用茶壺裝方便，燉湯清甜好味，仲蠟燭座熱，我地當茶慢慢飲。呢度like 餐廳FB，仲有野食送，今日係灌湯餃😍，nice。送左碟新鮮刺身，如果再啲多人黎，送既刺身再多啲唔同款式。叫左個蕃茄湯打邊爐啦，先上盤活海鮮拼盤，仲見到龍蝦尾發下發下。蝦、鮑魚、扇貝、龍蝦、蟹，超豐富。😍😍而可以任點既海鮮都有好多，有蝦、鮑魚、蟹，仲有龍躉片、白鱔、蠔、蜆、蟶子、象拔蚌、魚鰾等等。真係無咩高低，樣樣都咁好食。除左海鮮，其他配料都有特色，試左黃沙潤、豬天梯、牛骨髓，唔錯，開心試到出面放題少有既食材。呢度啲雲吞、餃子都好正，饀料滿滿，調味幾好。食飽飽原來仲有甜品布丁送，超滿足。