獅城星馬餐廳 (已結業)

約咗好耐終於都可以去到呢一間喺中環蘭桂坊嘅獅城星馬餐廳❤️❤️❤️之前成日都話好想去試吓，咁咪終於都可以約齊人去到食啦！！今日叫咗好多豐富嘅嘢食，其中一個最鍾意嘅係呢個星洲麥皮大虎蝦❤️呢個麥皮做嘅大虎蝦好有特色，首先呢隻蝦超級大隻好彈牙，啖啖肉！而且呢個麥皮做嘅外皮好香脆，而且好清新嘅感覺！👍🏻👍🏻另外仲有一份獅城咖啡骨，呢個咖啡骨好特別，真係好香濃嘅咖啡味，而且呢個仍然保持好香嘅豬肉味道！👍🏻當然唔少得要試吓參峇醬燒魔鬼魚翼，本身好少喺出面食得到魔鬼魚！呢度嘅魔鬼魚好大份，而且魚肉口感好好，唔似一般魚肉嘅嫩滑，比較多咬口！而且呢個醬汁有少少微啦，配合埋呢個魔鬼魚一齊食好夾❤️👍🏻最後仲叫咗一份怡寶芽菜雞，呢個雞肉好亂滑，而且肥瘦適中，連埋雞皮一齊食超級過癮超正！👍🏻