影片
更多
2024-11-02
273 瀏覽
經過長沙灣 咁啱見到呢間咁醒神嘅炸雞店～做完research之後 即刻決定幫襯 第一下其實唔係炸雞吸引我而係個炸蝦飯卷 見人哋影相出嚟真係超級吸引🤩炸蝦飯卷🍤名副其實嘅即叫即做 見住老闆幫我即刻炸兩隻巨型大蝦再好有心機咁慢慢均勻咁蒲上壽司飯 配上蟹柳、魚糕、醃蘿蔔、青瓜、甘筍絲等等嘅配料最後仲喺紫菜上面搽上秘製嘅醬汁 再落咗啲芝麻飯卷大到一啖都食唔晒 口感層次豐富 最鍾意就係條蝦尾炸到脆卜卜 我連殼都食埋呀！柚子青檸炸雞🍗炸雞有好多唔同嘅醬汁可以選擇我就揀咗呢款青檸柚子炸雞 因為我從來都係yuzu lover食落有甜甜嘅柚子味之餘 又帶有青檸嘅酸最欣賞係佢個醬汁唔會太黏 剛剛好掛到汁 食完又唔會膩每件雞都超大件 炸粉唔會厚 雞肉多汁嫩滑份量超級多 都要三個人先可以食得晒半份仲有唔好以為外賣就會好Hea 絕對有擺盤㗎老闆仲落咗少少食用花 打卡即刻靚靚 食都食得開心啲最細心係連個外賣紙盒都開咗少少細窿 唔會焗住啲雞 咁拎到返屋企食都唔怕會淋咗啦
經過長沙灣 咁啱見到呢間咁醒神嘅炸雞店～
做完research之後 即刻決定幫襯 第一下其實唔係炸雞吸引我
而係個炸蝦飯卷 見人哋影相出嚟真係超級吸引🤩
炸蝦飯卷🍤
名副其實嘅即叫即做 見住老闆幫我即刻炸兩隻巨型大蝦
再好有心機咁慢慢均勻咁蒲上壽司飯
配上蟹柳、魚糕、醃蘿蔔、青瓜、甘筍絲等等嘅配料
最後仲喺紫菜上面搽上秘製嘅醬汁 再落咗啲芝麻
飯卷大到一啖都食唔晒 口感層次豐富
最鍾意就係條蝦尾炸到脆卜卜 我連殼都食埋呀！
柚子青檸炸雞🍗
炸雞有好多唔同嘅醬汁可以選擇
我就揀咗呢款青檸柚子炸雞 因為我從來都係yuzu lover
食落有甜甜嘅柚子味之餘 又帶有青檸嘅酸
最欣賞係佢個醬汁唔會太黏 剛剛好掛到汁 食完又唔會膩
每件雞都超大件 炸粉唔會厚 雞肉多汁嫩滑
份量超級多 都要三個人先可以食得晒半份
仲有唔好以為外賣就會好Hea 絕對有擺盤㗎
老闆仲落咗少少食用花 打卡即刻靚靚 食都食得開心啲
最細心係連個外賣紙盒都開咗少少細窿
唔會焗住啲雞 咁拎到返屋企食都唔怕會淋咗啦
張貼
