Be Leaf (已結業)

今日咁啱係觀塘，朋友話一定要帶我黎呢間Be Leaf chill返下。 心諗會有幾特別，黎到見到又真係好特別呀。 一行入門口已經好有去旅行入酒店既感覺。 朋友話佢係峇里既特色設計。 真係打卡一流。我地先叫左2杯野飲： Ocean Paradise, 超香既荔枝特飲，觀感亦相當攪，好好飲。 跟住係自家制焦糖咖啡，賣相都好不俗，而原來上面既焦糖會慢慢溶入咖啡，咁杯啡就會有少少甜，真係好犀利。我地再叫左套餐： 胡麻XO醬海鮮蒟蒻冷麵，好大份好足料，個胡麻同XO醬好夾，海鮮又夠新鮮。 而佢跟既椰菜花湯同蓮藕海哲小食都好野味。 呢個餐啱晒健康人仕食。仲有呢個秘製蘇梅蛋黃醬焗美國特級豬梅扒伴燒汁。 一黎到已好驚喜，好靚既粉紅圍邊，原來係薯溶，然後係豬扒面既蛋黃醬又超好味，令人食落塊扒都唔覺好飽。朋友真係好好介紹，下次黎觀塘都要再黎食。