釜山炸雞批薩

營業中

休息中

入馬鞍山同屋企人慶生，壽星女話想喺屋企食開Party，仲話想食韓國嘢，咁我就係佢屋企附近，搵咗呢間 ～釜山炸雞批薩 Busan Chicken Pizza～。餐廳係小店經營， 見到全場爆滿，好彩我係外賣啫。食韓國野點少得炸雞🐓，咁多口味又想試哂，梗係叫五味炸雞，可以一次試哂咁多款口味，有原味/雙重芝士🧀/特色甜辣/蜜糖🍯芥末/洋蔥蛋黃，啱哂屋企人唔同人口味。炸雞香脆，肉質嫩滑。呢度啲午餐Set 都幾正。炸醬麵，麵身煙韌粗身，但汁香濃甜甜地。醬油豬肉🐖便當，呢個便當好豐富呀，除左好啱餸飯既醬油豬肉之外，仲有啲小食，腸仔、甜蛋、魚餅、沙律🥗、泡菜、腌魷魚，份量好多。人蔘雞湯配白飯，人蔘味濃，望落去仲有半邊雞，真材實料，呢個爸媽好喜歡。👍泡菜煎餅，少少辣，外脆內軟。送既酸白蘿蔔同黄蘿蔔都好好好食。