御品·千之味 (Eastmark)

營業中

休息中

又到收工搵餐廳食晚餐時間，呢日喺九龍灣想食日本菜，係地鐵站附近搵到呢間千之味，見到個極上刺身拼盤超正，一定要點。‼️大優惠‼️餐廳做緊惠顧任何一款拉面，可以$1換購焦糖鵝肝壽司1件（原價＄28）優惠，每碗拉麵可以換購一次。我哋揀咗比較特別嘅🌸櫻花蝦叉燒烏冬🌸，大量蝦頭蝦殼熬製濃湯底，蝦味又鮮又濃郁，仲有兩塊大叉燒同埋流心蛋，大碗又香濃。焦糖鵝肝壽司冇欺場，煎得香脆，配飯都夾。➖極上刺身拼盤無得頂，刺身好新鮮，海膽超甜，蝦刺身有手掌咁大隻。➖10件壽司餐（套餐）配 和風沙律、味噌湯及 螺肉小食另加三文魚海膽手卷每樣都大份，上菜時超開心。另外仲點了野菜牛肉鍋、芝士鰻魚玉子燒、牛舌同雞中亦串燒、魚子軍艦、海膽軍艦同帆立貝壽司。無論刺身熟食定係壽司，每樣都係新鮮好食，份量大，性價比超高，3個人食到勁飽勁滿足，值得下次再特登過嚟食。