Hungry Monkey (海之戀商場) (已結業)

今日約咗朋友去荃灣海之戀Hungry monkey食飯， 門口望入去好有酒吧風格，餐廳主打吃日式鐵板燒。同朋友傾吓飲吓食吓都是不錯選擇。頭盤有南非鮑魚，肉質好彈牙 ，嗰邊有少少脆口因為係用燒嘅烹調方法。一夜干魷魚， 魷魚好鮮味而且唔會燒得太韌。香蔥牛肉薄燒，啲牛肉捲埋大量嘅香蔥一齊吃口感非常特別，又可減去肥膩感覺。喜歡食蔥嘅朋友一定超滿足。廣島燒入面包含好多餡料 了，有叉燒，芫茜， 臘腸 ，肉鬆和蝦米。口感上覺得好豐富而且真係稱得上日式pizza。羊架好大而且肉質好嫩， 味道唔會太騷而且廚師燒得剛剛好。唐揚金蝦啲蝦燒得好脆， 而且個殼炸到可以食埋。黑松露香草牛油焗雜菌， 雜菌加埋牛油和黑松露一齊吃，口感上都唔會覺得 好油膩。松葉蟹肉海膽炒飯，基本上啲飯每一啖都充滿咗海膽味，因為老細真係落重本放咗好多海膽。辣味東風螺， 啲螺唔會太辣而且好野味彈牙。蕃茄酸酸甜甜好清新，兩款都糸非常開胃的小食。