影片
更多
2025-06-26
260 瀏覽
今日陪FD行海港城，FD想食哩間餐廳好耐，咁早少少入去啦。餐廳裝修得好靚，好多打卡位。今期季節限定係蜜瓜系列，6月逢星期一點任何蜜瓜系列，都會即場贈送一杯初夏青柑柚子梳打，好抵食。圓碌碌蜜瓜沙冰，呢杯蜜瓜沙冰造型好得意，真係好似綠色蜜瓜咁。沙冰打得好細膩，好重蜜瓜味，飲落好清甜。下層仲有蜜瓜啫喱，最啱夏天飲，消暑一流。飲完唔會手指指餅咖啡，咖啡名好得意，睇落似提拉米蘇咖啡多D。咖啡入口順滑，烘焙度適中，帶少少堅果香同朱古力尾韻。同埋奶泡夠綿密，同咖啡balance得幾好。泡菜豬肉煎餅，煎餅煎得金黃香脆，邊緣微微焦脆。泡菜啲酸辣同豬肉嘅鮮味好夾，仲有少少蔥香提味，口感豐富。點埋佢哋特製嘅韓式辣醬，更加惹味。雞蛋多過飯的蛋飯卷，用紫菜米飯包裹蛋捲，雞蛋真係多到滿瀉。內層蛋煎得香滑鬆軟，外面飯粒飽滿，仲夾雜住胡蘿蔔、青瓜等配菜，口感好豐富。分量都幾大下，食完真係超飽。比初戀還要甜的蜜瓜窩夫，窩夫金黃鬆脆外脆內軟，淋滿超多鮮奶油，仲可以自己加埋蜂蜜。搭配咗好多日本蜜瓜，蜜瓜食落清甜多汁，蜜瓜嘅香甜同窩夫嘅蛋香完美融合，真係食到停唔到口。半半無骨炸雞，一次過食咗兩個口味嘅炸雞，真係超正。炸雞外皮
圓碌碌蜜瓜沙冰，呢杯蜜瓜沙冰造型好得意，真係好似綠色蜜瓜咁。沙冰打得好細膩，好重蜜瓜味，飲落好清甜。下層仲有蜜瓜啫喱，最啱夏天飲，消暑一流。
飲完唔會手指指餅咖啡，咖啡名好得意，睇落似提拉米蘇咖啡多D。咖啡入口順滑，烘焙度適中，帶少少堅果香同朱古力尾韻。同埋奶泡夠綿密，同咖啡balance得幾好。
泡菜豬肉煎餅，煎餅煎得金黃香脆，邊緣微微焦脆。泡菜啲酸辣同豬肉嘅鮮味好夾，仲有少少蔥香提味，口感豐富。點埋佢哋特製嘅韓式辣醬，更加惹味。
雞蛋多過飯的蛋飯卷，用紫菜米飯包裹蛋捲，雞蛋真係多到滿瀉。內層蛋煎得香滑鬆軟，外面飯粒飽滿，仲夾雜住胡蘿蔔、青瓜等配菜，口感好豐富。分量都幾大下，食完真係超飽。
比初戀還要甜的蜜瓜窩夫，窩夫金黃鬆脆外脆內軟，淋滿超多鮮奶油，仲可以自己加埋蜂蜜。搭配咗好多日本蜜瓜，蜜瓜食落清甜多汁，蜜瓜嘅香甜同窩夫嘅蛋香完美融合，真係食到停唔到口。
半半無骨炸雞，一次過食咗兩個口味嘅炸雞，真係超正。炸雞外皮炸到脆啵啵，入面嘅雞肉卻嫩滑多汁，完全冇骨，啖啖肉超滿足。仲會搭配埋薯條同埋沙律菜，一份價錢食埋幾種味道，真係超抵！
張貼
