星海．譽宴 (鱷魚恤中心)

營業中

休息中

一行二人，去左星海．星海薈開餐!哩間地點非常好，觀塘站落車，經APM就可以到，落雨都唔洗怕! 哩度係一間非常有氣派中菜廳，裝潢主要係紫調，都幾優雅，幾岩同一班朋友、長輩聚會、慶祝節日，另外，餐廳樓底高加上天花又有特別設計過，有唔同吊飾，都適合搞婚宴!2個人就食唔到咁多野，我地就叫左3味! 第一個餸上枱係熱辣辣嘅鐵板白胡椒蟹，勁大隻，所以啖啖肉，好爽! 而且蟹肉好鮮甜，肉質厚實，好新鮮。另外，白胡椒味好出，但又無遮蓋左蟹嘅鮮味，平衡到，唔錯! 值得一提嘅係，一定一定要食埋墊底嘅洋蔥，少少焦，但好甜! 食完濃郁嘅蟹，可以解膩。 第二個餸係燒乳鴒，表皮香脆，咬落多汁，唔柴，同埋調味夠入味，唔洗點任何野都已經好好食! 最後就係金銀蒜斑球龍仔蒸飯，用左荷葉墊底 ，飯帶有葉香，火喉控制得啱啱好，飯唔會過淋，食蒸飯最怕啲飯太濕，但哩個唔會，都仲食到粒粒分明嘅飯。個魚好滑，蒸石斑真係好好啱！蒜就略嫌唔夠，因本人係重蒜愛好者，如果可以再多點就完美了~ 2個人食3餸係十分之夠，食到肚仔脹卜卜，要行街消化下，而星海薈鄰近APM、工業區OUTLET，shopping 都好唔錯~