大吃大喝 (彌敦道)

營業中

休息中

早前試過「大吃大喝」呢間三文治店，覺得非常好味，一直都想再試，今日難得經過，終於有機會啦。呢度啲三文治即叫即做，超新鮮，而飯就未試過，所以今日一於買兩款三文治同一個飯返屋企同家人share食。厚切餐肉滑蛋三文治餐肉相當厚切，煎過後外皮微脆，滑蛋又香又滑，配個配搭簡直係無得輸，一咬落去d 料真係多到差d飛出黎，真係好好味，令我地非常滿足！牛油果碎蛋三文治既然已經叫左一款比較無益嘅款式，另一款我地揀左相對輕盈嘅牛油果碎蛋。本身以為碎蛋加入左牛油果醬，原來只係碎蛋再加入切片牛油果。其實呢個組合都幾夾，清新嘅牛油果配上加左沙律醬嘅碎蛋，牛油果食落鮮嫩，碎蛋入口相當有口感，整體配搭唔錯。惹味沙嗲豚肉飯豚肉肉質鮮嫩多汁，沙嗲味極之香濃，混合埋掛汁嘅豚肉，食落非常惹味，飯方面亦都煮得剛剛好，飯粒香軟，吸收晒肉汁嘅精華後，令人十分開胃，可以一啖一啖咁食過不停。飲品方面，三文治跟特飲要加＄9，而飯類只需加＄3。我地試左祛濕薏米水。祛濕薏米水就非常清新，食完濃味食物飲返樽可以解膩。