李家 (山林道)

營業中

休息中

平時好少食韓國嘢，不過咁啱今日朋友生日，佢話好想食韓國菜，於是帶佢嚟尖沙咀呢間係人都話好食嘅李家！食韓國嘢一定係要食炸雞店舖炸雞口味超級多，而且仲可以雙拼因為朋友唔食得辣所以我哋嗌咗一款甜辣另一款粟米炸雞兩款都炸得好好，而且雞肉多汁調味啱啱好另外好耐冇食年糕，於是我哋就嗌咗呢個好特別喺出邊地方完全未見過嘅年糕上枱嘅時候差啲以為係咪送錯咗，勁似烏冬但係原來呢一啲好似烏冬嘅係年糕！比起一般食開片狀嘅韓式年糕好食好多，因為整成條完全係超級掛汁，個味道有啲芝士味，而且配料都好豐富！有三色椒腸仔魚膏，呢個係成餐飯裏面最驚喜最好食