Mamaday (已搬遷) 新店位置

去尖沙咀開會開到成3點，仲沒食午飯，真喺超肚餓！ 哩間人氣café已經bookmark咗好耐，唔洗排隊等位，一定要黎打卡啦。過咗午飯時間，客人都唔算多，餐廳真喺裝修得超有特色，求其一個座位都喺打卡位，真喺影咗超多靚相。嘢食種類好豐富，有披薩，意粉，窩夫同cake。嘢飲都有成4-5版可以揀，咖啡，沙冰，氣泡水，仲提供埋cocktail。最後揀咗手工紫薯窩夫同污糟的椰奶。污糟的椰奶真喺想象唔到喺乜味，咖啡加咗椰奶好似好特別咁。唔洗等好耐，嘢飲黎咗，真喺好得意啊。上層喺咖啡，下層喺椰奶，可以等咖啡慢慢融入到椰奶裡面。飲落咖啡味道較重，不過都飲得出少少椰奶味道，唔會好甜，都幾新穎。手工紫薯窩夫等咗15分鐘，種類好豐富，有4件窩夫，奶蓋，雪糕，紫薯蓉同雪糕。窩夫喺即叫即整，所以仲热笠笠。窩夫中間仲加咗紫薯蓉，真喺超得意。奶蓋喺有少少咸味，同窩夫都好夾，雪糕喺雲尼拿味道，唔會好甜，搶嗮窩夫味道，搭配咗紫薯一齊食，超好味，4件窩夫食完真喺好飽肚。哩間café真喺好高質，下次一定要黎試試其他嘢食。