So Bar (已結業)

Happy Friday!!!約咗好耐無見嘅朋友飲返杯同食個飯🤗呢間so bar好特別，原來同蘇媽分前後舖，兩間餐廳各有特色😊我哋想飲返杯所以揀咗so bar!!估唔到野食好高質呢！醬油漬紅蝦，係用日本豉油醃製過嘅紅蝦，鮮味十足而且有蛋黃三文魚籽一齊食，好美味😋泰式海鮮拼盤（魷魚，扇貝，青口，蝦，生蠔） ❣️好耐無食過咁鮮味嘅海鮮😉樣樣都好合心意，款式仲好齊全呢！同埋第一次海鮮係配秘製泰式醬，估唔到咁夾！檳城蝦湯炒伊麵，又係誠意之作，啲魚片墨魚仔同蘑菇好多，蝦湯完全滲晒入伊面，食到濃濃嘅蝦香味，相當惹味😍燒豬頸肉：豬頸肉燒得好香脆，厚度適中，加上佢嘅油香味，點埋醬汁，用嚟送酒就啱晒啦🥴飲品🍸AWAKENING EARL GREY：好正，酒同煙熏味好重，但幾易入口😍PRINCESS : 同個名一樣，好靚又好飲🤭