影片
更多
2022-12-04
455 瀏覽
為慶祝⚽️日本反勝西班牙首名出線🤩 梗係去食返餐日本野慶祝下🤣 尖沙咀有一間喺地牢嘅日式居酒屋我都想試好耐， 佢個名比較特別，令我好有印象，餐廳名稱係‘’蔵鳶‘’， 喺尖沙咀 加拿芬道， 正正係THE ONE隔離。餐廳喺地牢，要行一條樓梯落去, 條樓梯都幾有型，日本都有好多呢類型嘅餐廳， 感覺幾日式😆 餐廳燈光比較暗，走居酒屋路線， 一入去已經見到個大魚缸，仲有好多生猛嘅海鮮，例如象拔蚌，扇貝同松葉蟹等🥰我哋安排咗去吧檯，師傅喺我前面處理食材， 感覺唔錯， 有時睇師傅切刺身都係一種享受，唔知大家有冇一樣嘅感覺呢？🌟熊之痛風最中好得意，打卡一流😍 原來係熊仔嘅威化包住吞拿魚蓉，芥辣墨魚，蟹子，海膽同埋其他配菜，配搭幾新穎，小食嚟講ok喎👍🌟原條九州池魚姿造突然好想食池魚， 見個價錢都好相宜 ，點嚟試試， 一啲都冇失望🥰 刺身上枱已經好有型， 而且份量都唔少， 新鮮嘅刺身配少少薑同葱， 仲有池魚特有嘅香味， 唔錯唔錯🤩🌟燒河豚魚干近排必點嘅小食， 餐廳燒得夠耐， 魚干嘅香味完全釋放到出嚟， 必點 👍🌟火炙海鮮丼醬油燒好想食丼飯， 就試咗佢火炙嘅海鮮丼😎 佢同出面做法有啲唔同，搽咗醬油先燒，
餐廳喺地牢，要行一條樓梯落去, 條樓梯都幾有型，日本都有好多呢類型嘅餐廳， 感覺幾日式😆 餐廳燈光比較暗，走居酒屋路線， 一入去已經見到個大魚缸，仲有好多生猛嘅海鮮，例如象拔蚌，扇貝同松葉蟹等🥰
我哋安排咗去吧檯，師傅喺我前面處理食材， 感覺唔錯， 有時睇師傅切刺身都係一種享受，唔知大家有冇一樣嘅感覺呢？
🌟熊之痛風最中
好得意，打卡一流😍 原來係熊仔嘅威化包住吞拿魚蓉，芥辣墨魚，蟹子，海膽同埋其他配菜，配搭幾新穎，小食嚟講ok喎👍
🌟原條九州池魚姿造
突然好想食池魚， 見個價錢都好相宜 ，點嚟試試， 一啲都冇失望🥰 刺身上枱已經好有型， 而且份量都唔少， 新鮮嘅刺身配少少薑同葱， 仲有池魚特有嘅香味， 唔錯唔錯🤩
🌟燒河豚魚干
近排必點嘅小食， 餐廳燒得夠耐， 魚干嘅香味完全釋放到出嚟， 必點 👍
🌟火炙海鮮丼醬油燒
好想食丼飯， 就試咗佢火炙嘅海鮮丼😎 佢同出面做法有啲唔同，搽咗醬油先燒， 多一份香味👍 刺身份量都多， 睇下相都知擺到成座山咁， 見到都幾開心㗎🤩
🌟汁燒大蔥雞肉 ＆ 燒豚腩肉
餐廳嘅燒物做得非常好， 燒得香之餘，肉質又juicy， 我幾鍾意佢串燒嘅size， 大大件， 咁食先有口感😎
🌟海老天婦羅
新鮮上枱嘅天婦羅 一定好好食， 炸嘅時間剛剛好， 蝦肉感覺啱啱熟， 咬完一口見到啲蒸氣衝出嚟， 享受🥰
🌟炒野菜
我鍾意食日式嘅炒野菜，有醬油嘅味道之餘， 木魚同紫菜都帶出其他嘅香味出嚟， 食炒野菜我最鍾意就加啲七味粉， 唔知大家有冇呢個習慣呢？
🎉餐廳逢星期一至日，都有唔同嘅優惠， 包括全單折扣，酒水或刺身優惠等等， 想同朋友飲番杯還是食下刺身， 記住睇清楚佢嘅優惠， 擇返個好日子啦😎😎
張貼
