焱丸水產 (已結業)

一直想試下焱丸水產，係銅鑼灣行完街想食日本野，諗起附近有分店就入左去了。一入到去個環境已經好日本feel又播住熟悉既日文歌。cashier上高亦有塊版寫左一啲推薦菜同today special。meun好多選擇，食物同飲品都有好多款，花多眼亂，樣樣都想食，可惜我地得2個人，如果唔係一定會再嗌多啲試。我地首先點左個焱丸海鮮沙律，上到枱估唔到咁大兜，好足料啊！沙律有好多角切刺身粒，配埋焱丸特製既油醋真係好食又開胃，男朋友對個油醋讚不絕口，因為個油醋並唔係出面買返黎既即食醬汁，而係自己溝出黎既，從醬汁已經見到呢間餐廳有幾用心，真係值得一讚。黎食日本野點可以唔食刺身呢，我地叫左刺身三盛，左口魚刺身，赤貝。刺身三盛包括三文魚，帶子，油甘魚。全部都好鮮鮮啊。左口魚刺身配上酸汁，更加食得出刺身既鮮味。赤貝同樣係超新鮮好爽口，高質！炎丸號滿滿既料，超級引炒飯好大碟，差啲食唔晒Staff服務好好又有禮貌，由選擇食物同野飲既時候已經會比下意見，會推介一啲特別啲既菜式。見到店內有好多客人都係熟客，staff都會同佢地有傾有講，用餐環境好友善。燒海鮮全程都有人用你面前既爐幫你燒好，保證食物質素，唔會過熟或過生