越一越南牛肉粉專門店

營業中

休息中

新年同屋企人去黃大仙廟拜拜，聽同事講呢間越南野大份夾抵食，位置近黃大仙街市，都唔難搵。環境都算闊落，播住耳熟能詳的舊廣東歌。我地叫左3個一人dinner set,$88已包主食、小食同特飲。豬頸肉檬粉 佢個豬頸肉超超超好食，豬頸肉應該係切片再用醃料醃過，邊位煎到焦香咬落又唔嚡！推薦大家一定要試！而牛肉湯底都好夠味。小食叫左酸辣鳳爪，口感爽脆，味道刺激，甜、酸、辣同時衝擊 真係錯，而稱讚佢整到好入味。撈檬餐雞絲撈檬份量嚇親真係超級大份，味道偏清淡老人家一定鍾意，所以鍾意食濃味野的我就一般，不過餐台上有調味料畀你自己調味的。配料有雞絲、青瓜絲、蘿蔔絲等！香茅雞翼 （2隻）炸到外脆內juicy,非常好，但得兩隻唔夠喉。咖喱牛腩飯牛腩同薯仔炆得好淋又入味，肉質唔嚡很，咖喱味重唔太食到椰汁味，配上白飯絕配！仲有餐湯送添。扎肉蒸粉包 （2件）個人覺得粉包好好吃，我好鍾意食腸粉，而粉包的皮有點像腸粉，所以特別愛吃，而扎肉就普普通通，冇驚喜。飲品跟餐叫左、椰汁紅豆冰、椰汁三色冰同熱咸甘桔水。我超推薦佢地個椰汁三色冰，珍多冰同三色冰的椰香超香濃，超好飲又唔會過甜！再叫左上湯生菜$20同越式豬扒包$48。