阿來泰式地道風味

營業中

休息中

呢間係旺角好受歡迎嘅泰菜餐廳，之前經過都見到大排長龍，今日終於試到！原來間舖有2層，坐上層座位寬敞，幾舒服！同朋友嗌咗個最平嘅二人餐，食物都好豐富，嘢飲揀飲嘅話唔使加錢，加$10可以唔要飯，轉蒜蓉包，兩個人食三百幾蚊就搞掂！海南雞冇骨，個汁酸酸辣辣好惹味，雞肉大舊而好滑！咖喱炒蜆有好多汁，可以攞蒜蓉包嚟點，我最鍾意係馬拉盞炒通菜，個汁好好味，好香，啲菜好入味，食到停唔到！野飲選擇有好多，嗌咗珍多冰同龍眼冰，解渴一流！