影片
更多
2019-10-05
3508 瀏覽
阿拉斯加長腳蟹當造，海港酒家每斤都只喺賣$148，近乎批發價咁濟，難得咁抵緊喺要搵埋朋友仔一齊擦番餐勁嘅！做緊大特價嘅緣故，酒樓晚市非常旺場，閒日7點鐘去到酒樓攞飛等位，都要等成差不多個幾兩個鐘先有得入座。如果打算食蟹的話，入座前記得向職員揀定蟹嘅大細，唔喺好快就比人揀哂心水size嘅長腳蟹。我地食個時大部份嘅長腳蟹都由5斤尾6斤起跳，無番三四個人都未必食得哂，記得約多幾個朋友嚟開心share。原隻清蒸長腳蟹喺唔使加手工費嘅，如果想試下其他烹調做法，茶樓都提供左好幾款比大家選擇，例如用蟹膏炒飯等，但就需要每款另加$100加工費。主角長腳蟹終於上枱啦，落單後都等左大半個鐘先有得食。金黃色嘅蟹膏最突出，味道咸咸地帶濃郁嘅油香味，所以我地都特意叫左炒飯打算用蟹膏嚟撈飯食。長腳蟹另一吸引人嘅地方就係佢又長又粗壯的腿，枱上每人都有一把較剪比你慢慢拆開蟹殼食肉，長腳蟹身形大所以拆肉都唔算難。打開蟹殼，入面係鮮甜嘅蟹肉，肉質口感好好完全唔霉，証明隻蟹的確新鮮。長腳蟹底下加左蛋白一齊去蒸，蛋白吸收左蒸蟹個時流出嘅精華，食落鮮味十足。四個人食蟹再加兩個小菜，埋單約$1200，價錢合理，食物質素有水準，大
做緊大特價嘅緣故，酒樓晚市非常旺場，閒日7點鐘去到酒樓攞飛等位，都要等成差不多個幾兩個鐘先有得入座。
如果打算食蟹的話，入座前記得向職員揀定蟹嘅大細，唔喺好快就比人揀哂心水size嘅長腳蟹。我地食個時大部份嘅長腳蟹都由5斤尾6斤起跳，無番三四個人都未必食得哂，記得約多幾個朋友嚟開心share。
原隻清蒸長腳蟹喺唔使加手工費嘅，如果想試下其他烹調做法，茶樓都提供左好幾款比大家選擇，例如用蟹膏炒飯等，但就需要每款另加$100加工費。主角長腳蟹終於上枱啦，落單後都等左大半個鐘先有得食。
金黃色嘅蟹膏最突出，味道咸咸地帶濃郁嘅油香味，所以我地都特意叫左炒飯打算用蟹膏嚟撈飯食。
長腳蟹另一吸引人嘅地方就係佢又長又粗壯的腿，枱上每人都有一把較剪比你慢慢拆開蟹殼食肉，長腳蟹身形大所以拆肉都唔算難。打開蟹殼，入面係鮮甜嘅蟹肉，肉質口感好好完全唔霉，証明隻蟹的確新鮮。
長腳蟹底下加左蛋白一齊去蒸，蛋白吸收左蒸蟹個時流出嘅精華，食落鮮味十足。
四個人食蟹再加兩個小菜，埋單約$1200，價錢合理，食物質素有水準，大家都食到好滿足咁離開。
張貼
