令和鍋物酒場

營業中

休息中

旺角呢間日本居酒屋嘅二人餐只係$428，真係超級抵食！首先有富士山火焰脆脆薯仔沙律，個賣相超有誠意！啲薯仔片疊到好高，好似富士山咁，上面淋咗醬汁仲要整到好似火山爆發咁，影相一流！最緊要係啲薯片夠脆，配埋薯仔沙律，幾開胃。之後三品刺身盛合：三款刺身厚切，有三文魚、油甘魚及帶子。鹿兒島A4肩舺和牛海膽反卷，A4和牛肉質均勻，加埋海膽嘅鮮味及吞拿魚蓉，口感豐富！小食芝麻鶏翼，入口幾香！芝麻味香噴噴，皮炸得夠脆。燒芝士年糕，年糕軟糯。壽喜燒鍋啲野菜新鮮，豆腐嫩滑。最緊要係嗰150g嘅A4肩胛和牛，油花分佈均勻，好快就煮好，入口即溶！