影片
更多
2022-06-30
303 瀏覽
呢日約左朋友上佢屋企探佢同埋bb，佢話唔方便落街食飯，所以就決定叫外賣app。見到pizza express又唔貴喎（＄315），又想食pizza，就決定叫呢間。外賣包裝都好精美，而且都仲熱，呢個最緊要。意式焗肉丸：肉丸配有番茄醬，肉丸彈牙，而且番茄醬味道濃郁，類似肉醬意粉嘅味道，份量都好多，中間仲有番茄仔，肉丸會配埋薄餅，可以點番茄醬黎食，多重滋味。雞肉蘋果沙律：沙律份量都好多，配有沙律醬，呢款沙律除咗有雞胸同沙律菜，仲有好多nuts，提子乾，番茄仔。nuts好夠脆，同埋蔬菜都好新鮮，沙律亦會配上麵包，麵包咸咸地都幾好味。北京烤鴨薄餅：呢嗰pizza真係好特別，從來都未食過，所以就要試下，味道就好似食緊片皮鴨，不過變左pizza，真係好新鮮嘅食法，鴨肉嘅份量都多，而且肉味濃郁，個醬汁味道帶有甜味，配上青瓜同香蔥可以解膩。番茄海鮮意粉：意粉用錫紙兜裝，咁就可以保溫了。海鮮份量都好多，主要係有蝦同蜆肉，味道都新鮮，意粉帶有微辣，配埋番茄味，成個調味都幾滋味，意粉軟硬度亦啱啱好。呢個餐都幾抵食，我地兩個人食唔哂，朋友話聽日再整返熱黎食，同埋呢間餐廳其實都堂食食過幾次，質素向來都有保證，而家
外賣包裝都好精美，而且都仲熱，呢個最緊要。
意式焗肉丸：
肉丸配有番茄醬，肉丸彈牙，而且番茄醬味道濃郁，類似肉醬意粉嘅味道，份量都好多，中間仲有番茄仔，肉丸會配埋薄餅，可以點番茄醬黎食，多重滋味。
雞肉蘋果沙律：
沙律份量都好多，配有沙律醬，呢款沙律除咗有雞胸同沙律菜，仲有好多nuts，提子乾，番茄仔。nuts好夠脆，同埋蔬菜都好新鮮，沙律亦會配上麵包，麵包咸咸地都幾好味。
北京烤鴨薄餅：
呢嗰pizza真係好特別，從來都未食過，所以就要試下，味道就好似食緊片皮鴨，不過變左pizza，真係好新鮮嘅食法，鴨肉嘅份量都多，而且肉味濃郁，個醬汁味道帶有甜味，配上青瓜同香蔥可以解膩。
番茄海鮮意粉：
意粉用錫紙兜裝，咁就可以保溫了。海鮮份量都好多，主要係有蝦同蜆肉，味道都新鮮，意粉帶有微辣，配埋番茄味，成個調味都幾滋味，意粉軟硬度亦啱啱好。
呢個餐都幾抵食，我地兩個人食唔哂，朋友話聽日再整返熱黎食，同埋呢間餐廳其實都堂食食過幾次，質素向來都有保證，而家仲可以叫埋外賣，真係非常方便。
張貼
