影片
更多
2021-11-20
97 瀏覽
天氣開始轉涼，係時候約埋好朋友去打邊爐。咁啱去開旺角行街，見家樂商場對面有個好大嘅招牌寫住阿爺八鮮煱，就上去試吓。見到個餐牌原來係海鮮火煱放題，三百零蚊包括刺身，花膠雞煲，仲有咁多款海鮮，鮑魚，聖子王，龍躉，蠔都係任食，算合理。一坐低，職員已經攞壺是日精選燉湯，今日係花膠響螺燉雞，味道唔錯，又冇乜味精嘅感覺。最窩心嘅係有個燭台保溫。職員提我，係社交媒體打卡仲有小食送，今日係炸軟殼蟹同炸雲吞，香脆可口。我哋加咗$388 精選刺身孖寶upgrade 個set嘅刺身。職員抬住超大隻刺身船，超級誇張，開頭仲諗緊係咪我哋㗎，兩個人居然有咁大隻船。裏面有象拔蚌刺身，三文魚腩，鯛魚，海螺片，赤貝，好抵食。食完快啲前菜，職員送上食雞煲，好足料，有花膠同埋年糕，個醬汁非常惹味！食完雞煲，都主打嘅海鮮火鍋，今日嘅湯底有蕃茄芝士同埋蘿蔔牛腩，兩個都好吸引，唯有叫鴛鴦鍋😆除咗飲食嘅火鍋配料，每位客人都有一份超級海鮮盤，，裏邊有半隻超多膏嘅龍蝦，一隻日本元貝同埋一隻南非鮑魚，上到枱鮑魚仲識郁，超級驚喜，證明啲海鮮都好新鮮，淥完之後好鮮甜，正！海鮮火鍋配料都超多選擇，叫咗蟶子皇，生蠔，龍躉片，海中蝦同埋鱔片，全部
見到個餐牌原來係海鮮火煱放題，三百零蚊包括刺身，花膠雞煲，仲有咁多款海鮮，鮑魚，聖子王，龍躉，蠔都係任食，算合理。
一坐低，職員已經攞壺是日精選燉湯，今日係花膠響螺燉雞，味道唔錯，又冇乜味精嘅感覺。最窩心嘅係有個燭台保溫。
職員提我，係社交媒體打卡仲有小食送，今日係炸軟殼蟹同炸雲吞，香脆可口。
我哋加咗$388 精選刺身孖寶upgrade 個set嘅刺身。職員抬住超大隻刺身船，超級誇張，開頭仲諗緊係咪我哋㗎，兩個人居然有咁大隻船。裏面有象拔蚌刺身，三文魚腩，鯛魚，海螺片，赤貝，好抵食。
食完快啲前菜，職員送上食雞煲，好足料，有花膠同埋年糕，個醬汁非常惹味！
食完雞煲，都主打嘅海鮮火鍋，今日嘅湯底有蕃茄芝士同埋蘿蔔牛腩，兩個都好吸引，唯有叫鴛鴦鍋😆
除咗飲食嘅火鍋配料，每位客人都有一份超級海鮮盤，，裏邊有半隻超多膏嘅龍蝦，一隻日本元貝同埋一隻南非鮑魚，上到枱鮑魚仲識郁，超級驚喜，證明啲海鮮都好新鮮，淥完之後好鮮甜，正！
海鮮火鍋配料都超多選擇，叫咗蟶子皇，生蠔，龍躉片，海中蝦同埋鱔片，全部好新鮮，特別推介蟶子皇，好大隻又好鮮甜。
其他推介：手切牛小排，手打蝦滑同黑松露墨魚滑，芫荽豬肉餃同埋豆苗，都唔好錯過！
今餐超級滿足，兩個半鐘任食真係好飽，下次要叫多啲朋友一齊分享，試埋其他嘢食先！
張貼
