影片
更多
2020-08-30
6506 瀏覽
疫情關係，打邊爐成為咗高危活動之一。有一排冇打邊爐嘅我，今日終於出山嚟但馬屋。嚟但馬屋嘅最大原因係一人一鍋，除咗衛生啲之外，亦唔駛同人商量湯底，自己鍾意乜湯底都得。而且佢哋嘅雪糕已經唔再係一桶桶嘅岩石雪糕，而係升級咗一杯杯嘅 Häagen-Dazs 雪糕！即時吸引力爆標！Let's go ！！！疫市求生，但馬屋營業時間提早於11點開始。平日嚟但馬屋最好12點前，星期六日就最好11:30 前，遲咗就可能要等好耐吓喇！但馬屋平日有套餐（即一碟肉、菜、飲品、甜品任食），60/90分鐘 放題。星期六日就只有放題。今日揀咗90分鐘，日本北海道黑毛和牛 （$249）放題。湯底：有5款任揀 - 鰹魚清湯、甘露（壽喜燒）鍋、膠原美肌雞鍋、藥膳麻辣鍋、蕃茄芝士鍋。鰹魚清湯 原汁原味，非常清爽又唔熱氣，喜愛清淡嘅朋友必選，最後用埋個湯底煮拉麵就一流喇！甘露鍋 配牛肉最搭，甜甜地，小朋友最愛，湯底最後吸滿牛肉味超甜。膠原美肌雞湯 口味清淡，微甜，雞肉嫰滑，感覺好似連自己皮膚都滑咗啲。藥膳麻辣鍋 - 有少少藥材味，唔麻唔辣，失望蕃茄芝士鍋 酸酸地，好開胃，加入蔬菜牛肉熬煮後，最後用嚟煮拉麵真係比坊間啲拉麵店更
嚟但馬屋嘅最大原因係一人一鍋，除咗衛生啲之外，亦唔駛同人商量湯底，自己鍾意乜湯底都得。而且佢哋嘅雪糕已經唔再係一桶桶嘅岩石雪糕，而係升級咗一杯杯嘅 Häagen-Dazs 雪糕！即時吸引力爆標！Let's go ！！！
疫市求生，但馬屋營業時間提早於11點開始。平日嚟但馬屋最好12點前，星期六日就最好11:30 前，遲咗就可能要等好耐吓喇！
但馬屋平日有套餐（即一碟肉、菜、飲品、甜品任食），60/90分鐘 放題。星期六日就只有放題。今日揀咗90分鐘，日本北海道黑毛和牛 （$249）放題。
湯底：有5款任揀 - 鰹魚清湯、甘露（壽喜燒）鍋、膠原美肌雞鍋、藥膳麻辣鍋、蕃茄芝士鍋。
鰹魚清湯 原汁原味，非常清爽又唔熱氣，喜愛清淡嘅朋友必選，最後用埋個湯底煮拉麵就一流喇！
甘露鍋 配牛肉最搭，甜甜地，小朋友最愛，湯底最後吸滿牛肉味超甜。
膠原美肌雞湯 口味清淡，微甜，雞肉嫰滑，感覺好似連自己皮膚都滑咗啲。
藥膳麻辣鍋 - 有少少藥材味，唔麻唔辣，失望
蕃茄芝士鍋 酸酸地，好開胃，加入蔬菜牛肉熬煮後，最後用嚟煮拉麵真係比坊間啲拉麵店更出色
牛肉：日本北海道黑毛和牛 雪花分佈平均，口感嫰滑，個人食咗4碟，絕對翻本
豚肉 ： 好似得一款，一般般冇乜味。所以唔食牛嘅朋友，建議揀最平嗰款放題/套餐就得。
甜品：Häagen-Dazs 雪糕，每日有3款，日日唔同，驚喜係竟然有香蕉味 超正！
服務方面：非常有禮貼心，每次收碟都會問你要唔要加肉，又會自動加湯。滿意
張貼
