韓閣 (已結業)

餐廳裝修好有韓國風格，好多位置都好適合打卡，一路聽k pop一路食嘢（正），超底食2-3人燒肉套餐$588(全店重要全日免收加一），超多嘢食，燒肉拼盤超大份，原條魷魚超大條👍🏻，海鮮煎餅（外脆內軟👍🏻),海鮮重有日本扇貝和青口（好香蒜蓉牛油味👍🏻），釀雞翼裏面勁香芝士味👍🏻，軟殼蟹飯卷都好好味。套餐仲有包括三罐嘢飲，三個甜品，食完其實已經好滿足。不過家中嗰兩位老細，仲要話食甜品，咁就再叫多個紫薯奶蓋牛角酥格仔餅$56（包人蔘茶一杯）、草莓乳酪寒天沙冰$28，佢啲甜品都幾好食，又整得靚，好適合用來打卡。