鼎王麻辣鍋 (金巴利道) (已結業)

超好食嘅麻辣火鍋，完全唔hea，比一般嘅火鍋好食好多！我哋揀咗鴛鴦鍋，咁就可以2個出名嘅湯底一次過試晒😚😚湯底係鼎王麻辣鍋、酸菜白肉鍋，2款都可以自己揀小、中、大、特調4個辣度麻辣湯底飲落唔似平時坊間食嘅咁味精，係食到有好多中式嘅香料味，有少少藥膳嘅香氣，非常之夾，好易入口😋😋而且最重要係厚切鴨血同豆腐係可以90分鐘內免費任加！太正！鴨血同豆腐煮得勁入味，超鐘意食👍🏻👍🏻酸菜白肉鍋真係食到有白肉，湯底唔會過酸，酸菜切成一絲絲，好似食緊一道餸咁，好有水準👍🏻👍🏻同樣地，酸菜亦都係免費任加👍🏻出面有自助醬料自己拎，但其實湯底已經好夠味，唔洗另加醬料已經好好味😬鼎王大部分嘅火鍋配料都係台灣直送過嚟，原汁原味嘅台灣味👍🏻招牌手工三色滑($158)包括有蝦滑、蟹滑、瑤柱滑，最有驚喜係瑤柱滑，真係食到一絲絲嘅瑤柱絲，好有鮮味👍🏻 蝦滑蟹滑肉質彈牙，肉質鮮甜，係新鮮貨～老油條($68)香脆老油條，硬身少少嘅，喺火鍋度煮幾秒就食得，做到外脆內軟嘅口感～濃香豆皮($68)睇個樣以為係響鈴，但其實係大大塊豆皮👍🏻，店員教我哋台灣食法淥3-5分鐘，淋啲好食啲，果然淥完索晒啲汁，又食到豆香味排骨酥($68)冇