傷心酸辣粉 (康寧道)

營業中

休息中

放工諗住就近食間餐廳，之前係其他地方見過傷心酸辣粉，個時已經好想試，今次終於有機會試。自己一直好中意食呢類粉麵薯粉，期望都幾高。好彩佢無令我失望，望左好耐個menu先揀到食咩，因為見到每個都勁想食，幾經掙扎後揀左豬軟骨酸辣紅薯粉。一上到黎已經聞到好香既酸辣味，瞬間食欲大開。首先講左個酸先，味道好地道，唔似某d店有酸菜但基本上無咩味，佢唔會令人酸到食唔到，反而係酸中帶香。至於個辣就係我中意個種味道，我叫左中辣，都幾辣下好過癮，中意食辣既一定要叫，同酸味夾埋一齊真係絕配，男朋友就叫左BB辣無咩辣味，話中辣味道好食d。碗粉唯一美中不足既地方就係d豬軟骨分量比較小，得3-4小片，味道就唔錯既，所以大家下次可以揀下其他配菜，睇隔離臺口水雞好似幾唔錯。套餐包一杯熱咖啡/茶，食完都幾飽肚同埋食完辣個胃好暖，做午餐/晚餐都係唔錯既選擇。