壹檸壹鮮果茶

營業中

休息中

之前經過中環街市已經見過呢間手搖店，確實係覺得好吸引，因為覺得個包裝勁得意。今日終於買咗嚟飲。首先要讚吓店員好有禮貌，因為我都用咗好耐時間去揀飲乜嘢，呢度嘅Menu都有好多唔同選擇，，然後店員都俾咗唔少意見我，例如多數客人鍾意叫啲咩，同埋佢自己鍾意飲啲咩。最終我就決定咗叫蜜桃冰茶，飲完之後覺得個感覺清新，唔會感覺自己飲緊廢水咁樣，完全唔會有罪惡感，最重要就係蜜糖味好天然！因為太好味，所以都額外買咗一杯牛油果甘露拎返屋企俾屋企人飲，屋企人都好欣賞，尤其係牛油果好cream，芒果亦都好鮮甜，以呢個味道，絕對可以同屋企人講飲完都唔會變肥，絕對係少甜，好健康。