李家 (山林道)

營業中

休息中

前幾日同朋友去佐敦唱完k，唱到有啲肚餓，又想食韓國菜，就一齊去左呢間李家。芝士味無骨炸雞（半隻）$113以為半隻唔會好多，點知原來份量都幾大。有起碼兩種唔同嘅芝士粉滿佈喺炸雞上面，芝士味好濃。炸雞食落皮脆肉嫩，咬落去充滿肉汁。蜂蜜大蒜無骨炸雞（半隻）$113蜂蜜沾滿全部炸雞，但炸雞依然不失香脆。有一堆蒜蓉喺上面，可以自行分配蒜蓉嘅份量喺每件炸雞到，調整蒜香嘅濃度。海鮮湯 $188海鮮湯好足料，有好多蟹同埋蝦，同埋魷魚等等。本身以為飲落去會係普通平時泡菜湯嘅味道，點知飲落去海鮮味十足，有啲似辣嘅龍蝦湯咁嘅味，有驚喜。白飯 $10白飯配海鮮湯好夾。