順日本料理 (已結業)

呢間餐廳喺天后開左好多年，以牛舌聞名，試過想晚餐嚟買牛舌外賣，但店員話一早賣哂，一於午餐嚟堂食試吓係咪真係咁好食。聽聞店主係日本人，餐廳裝修都好有日本風味，一入門口就有L字形bar枱，傍邊有幾張二人枱，老公話入面轉左仲有幾張大枱。一場嚟到當然要叫最出名嘅厚燒牛舌飯啦，依家有個迷你牛舌飯定食都好吸引，3塊牛舌，另外仲有沙拉，泡菜同泡芙。但最後同老公怕3塊牛舌唔夠share, 都係要5塊嘅厚燒牛舌飯。另外仲叫左個壽喜燒定食。個厚燒牛舌真係勁厚！！外耐燒得好香，但咬開入面好淋，鍾意食牛舌嘅人一定要嚟試吓！